العروق اللي يطلعوا في الساقين، واللي يسمّيوهم بالدوالي، يعانوا منهم برشا ناس، خاصة النساء. هاذوما العروق يظهروا وقت يولي الدم ما يدورش بالباهي في الساقين، ويدخلوا في مشاكل كيما الانتفاخ والتعب
شنوما الأسباب؟
الدوالي ينجموا يجيّوا على برشا أسباب، كيما الوقوف برشا ساعات، قلة الحركة، وحتى الوراثة تلعب دور
كيفاش تعالج؟
الجرابات الطبية (الضاغطة)
الحل الأول والأكثر استعمل هو الجرابات الضاغطة. هاذم يساعدوا باش الدم يدور بالباهي وما يتجمعش في العروق.
العلاج بالليزر
التقنيات الجديدة اليوم تخدم بالليزر، واللي يخلي العروق تسكر وتختفي. هاذا حل فعال وما فيهش برشا وجيعة.
التصليب (sclérothérapie)
في التقنية هاذي، الطبيب يحطّ دواء خاص داخل العروق، واللي يخليهم يسكروا شويّة شويّة ويختفوا.
الجراحة
في الحالات الصعيبة وين العروق الكبار يوجعوا برشا، ينجم الطبيب يعمل عملية باش ينحي العروق اللي ما يخدموش بالباهي
نصائح مهمة
باش تتجنب ظهور الدوالي، حاول تعمل رياضة بانتظام، وما تقعدش واقف برشا ساعات. كيف كيف، حاول ترفع ساقيك وقت ترتاح باش الدم يرجع للقلب.
